Celebracion informativo na Playa Pabao en conexion cu celebracion di Dia Internacional di Hende Muhe

En conexion cu “Dia International di Hende Muhe” directiva di Centro di Bario Playa Pabao  ta organisa un celebracion informativo cu lo trata e tema “Detecta cancer na pecho na tempo”. E actividad aki a wordo organisa cohuntamente cu Stichting Bevolkingsonderzoek Borstkanker” (BOB). Orador invita pa e anochi aki ta dr. Daryanani y sra. Enrita Werleman. Dokter Daryanani lo duna un presentacion y informacion di e chequeo di pueblo cu tuma luga aña pasa pa despues  tin oportunidad pa lansa pregunta.

 

E anochi ta termina cu un ora social na unda lo tin presentacion di Quincy Hasham, Ruthy Vrieswijk y Isa Brown. Lo tin diferente premio y sorpresa.

Durante e ora social lo tin snacks vegetariano. Un invitacion ta bay na tur hende muhe cu kier sa mas di e tema detecta cancer na pecho na tempo pa bin celebra nan dia hunto cu nan famia diarason 8 di maart na Centro di Bario Playa Pabao.

E actividad ta cuminsa 7’or y lo termina 9’or. Lo tin un recuerdo di e dia aki pa e prome 50 hende muhe cu asisti na e actividad aki. Lo no cobra entrada.

Top