Centro di Actividad Rancho ta celebra 1 aña di existencia

 

 

Bini un bini tur dia 14 di october na Centro di Actividad Rancho, cuminsando for di 6 pm te cu 9 pm y conoce nos centro.

E anochi aki bo por mira e EXPO di Tempo pa Click, participa den actividad creativo of relaha bo mente den Aire Liber CINE, unda lo presenta documentario y short films tocante e historia y cultura di e bario di Rancho.

 

Riba 14 di october 2016, Centro di Actividad Rancho a habri su porta pa publico.

E centro di actividad situa den Koningstraat 38 na Rancho, ta funciona como un centro social- cultural unda habitantenan di e bario por participa den diferente actividadnan.

Den e ultimo lunanan a ofrece workshops y tambe a ehecuta exposicion, lectura y “Artist Talks” den e centro.

Un gran parti di e actividad y proyectonan aki a wordo Co-financia cu ayudo di CEDE Aruba y otro partners.

 

Awor fundacion Rancho ta trahando riba un programma mas stabil pa crea un candidad di actividadnan social-cultural pa aña 2018.

 

Centro di actividad Rancho no por existi sin ayudo di su boluntario, studiante y partners.

For di cuminsamento nan a dedica nan mes den e centro.

Pa aña 2018 lo purba di transforma CAR den un centro di actividad social-cultural y trece e comunidadnan den Rancho, pero tambe di henter Aruba hunto, y teniendo na cuenta cu tur e desaroyonan den e mundo social-cultural.

 

Rib’e Facebook Page Centro di Actividad Rancho, henter publico lo keda wordo informa di e actividadnan cu lo tuma lugar den CAR.

Pronto lo tin un seccion rib’e website di stichting Rancho unda lo por haya mas informacion.

Ta mas cu sigur cu Centro di Actividad Rancho lo sigi produci mas actividadnan p’e bario y su comunidad.

Si bo persona ta interesa di sa mas of inscribi como boluntario, por tuma contacto cu Ginelly Quandt, kende actualmente t’e cordinador di Centro di Actividad Rancho. Su e-mail ta ginelly@stichtingrancho.org.

Tambe por like y share nna Facebook Page: Centro di Actividad Rancho

Top