Ceramento di caminda en conexion cu proyecto Green Corridor

 

Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda Santo Largo/Isla di Oro y habitantenan di adres Savaneta # 186 cu entrante dialuna 6 di maart 2017 lo cuminsa cu construccion di e drenahe di awa y reconstruccion di e caminda, pa e motibo aki lo bay cera e caminda.

En conexion cu e trabounan aki Departamento di Obra Publico ta haci un peticion na automobilistanan pa no haci uzo di e caminda aki si no ta pa bo yega bo cas of negoshi.

Lo cera e caminda menciona pa tur trafico den ambos direccion y lo laga e caminda parcialmente habri pa clientenan por yega nan negoshi y pa habitante nan por yega nan cas.

 

E desvio di e rutanan lo bay wordo indica cu baricadanan y borchinan di aviso.

E trabounan relaciona cu construccion di e drenahe di awa y reconstruccion di e caminda di Santo Largo lo tin un duracion di 2 luna di trabao.

 

En conexion cu e trabounan menciona Departamento di Obra Publico ta haci un peticion na tur automobilistanan pa no haci uzo di e camindanan y ta pidi pa tene cuenta cu e inconveniencia cu lo por surgi pa cual nos ta pidi nos disculpa.

Top