Ceramento di caminda en conexion cu trabounan di Plaza Padu

Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Oranjestraat cu lo bay cer’e parcialmente (entre Eva boutique y Kok Optica) dia 13 di maart 2017 for di 7’or di mainta te 4’or di atardi.

 

Motibo ta cu lo bay continua cu e trabounan di proyecto Plasa Padu. Lo indica e ceramento di caminda cu bari y borchinan di trafico pa e desviacion. Alabes ta pidi tur peaton cu ta haci uzo di e area of cu mester bay Censo pa no cana rib’e caminda cu nos ta trahando cu asfalt.

 

En conexion cu e trabounan menciona Departamento di Obra Publico ta haci un peticion na tur automobilistanan pa no haci uzo di e camindanan y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.

Leave a Reply

Top