Charla gratis pa studiantenan y mayornan cu orador ing. Aaron R. Berg

Aaron un Arubiano cu ta bin for di e cuna di Piedra Plat. Un Mon Plaisier leerling, Colegio Arubano VWO, a studia na Hulanda pa Technische Wiskunde na Technische Universiteit Eindhoven. Despues di haal su Propodeuse Aaron a pasa den un situacion di salud hopi dificil. Apesar di esey, e a lucha y a sigui studia pa inginieur Technische Bedrijfskunde na Fontys Hogescholen y asina ta haña su titulo oficial di Ing.

 

Den su 3e jaars stage na Cape Town South Africa, Aaron a cera conoci cu e vak di Supply Chain Management y Strategic Sourcing. Su scriptie tabata den Integrated Product Development and Sourcing, un framework desaroya dor di Philips Electronics na Eindhoven.

Esaki a duna Aaron e oportunidad di cuminsa su carriere exitosament na Strukton Rail como Project Buyer. Despues di un aña na Strukton Aaron a join Mastervolt na Amsterdam.

Mastervolt ta top 3 compania den Europa den solar energy system converters.

 

Dor di exito den e mercado solar, Mastervolt a ser cumpra for di un company mericano Actuant Corporation. Actuant ta un $1.3B industrial conglomerate operando den e mercadonan di argicultura, infrastructura y energia. Aaron cu su conosimento specifico den electronica y sourcing, a haya e oportunidad di participa den e merger and acquisition di CrossControl na Zweden. CrossControl su productonan ta Human Machine Interface computer displays pa e tractornan y graafmachinenan rond di mundo. Nan productonan ta parse un iPhone, pero produci y traha pa e environment di stof, solo y temperature di 40 graden minus celcius.

 

E merger y integration tabata asina exitoso cu nan a pidi Aaron pa join Actuant na merca pa traha foi Lancaster Pennsylvania y despues 2 ana foi di e worldwide headquarters na Milwaukee Wisconsin. Den su carera profesional na Merca Aaron a haña oportunidad di biaha na diferente paisnan rond di mundo. Esaki ta encera e. o. diferente estadonan na Merca, Mexico, Europa i na Azie. Aaron a specialisa su mes den negosashonnan riba nivel international cu ta ensara contractnan di milliones di dollar.

 

Después di 15 anja Aaron a desaroya su mes den un lider professional y logra di maneha su carera profesional y su famia exitosamente. Aaron ta casa felismente y tin tres yiu.

Aaron como yiu di tera ta stima su Aruba, i ta desea di comparti i inverti den e desaroyo di su dushi isla Aruba. Aaron ta mira diferente oportunidat strategico pa Aruba y lo kier contribui. Aaron ta cu vakantie na Aruba y lo ta bolbiendo bek Europa pa e enfrenta e retonan cu e tin su dilanti.

 

E charla cu Aaron lo bay duna ta organisa pa Fundacion Famia Piedra Plat cu tin e proyecto CEC.  “Centro di Educacion Creativo” cu apoyo di CEDE Aruba y SWF for di Hulanda.

Na C.E.C. nos ta kere den e hobennan di awe cu lo forma e sociedad di futuro. Nos ta un entidad cu ta asisti hobennan den nan formacion y desorayo, escolar y artistico, p’asina nos por prepara nan pa un futuro mas briyante! E charla aki lo ta pa hobennan studiante pa concientisanan di un mundo di oportunidadnan apesar di retonan cu bo por tin den bida.

 

E charla lo ta duna na un manera hopi simpel y cu oportunidad di haci pregunta.

Lugar: Centro Famia (Oansa) Piedra Plat # 50 net banda di Compleho Deportivo Franklin Bareño. Fecha: 21 di mei, 2017 (diadomingo awor). Ora: 6:30pm.

Hobentud y mayornan ta invita y ta completamente gratis.

Pa mas informacion: centrofamiapp@gmail.com. Tel: 5834631/5927794.

Top