Chauffeur cu velocidad halto ta dal contra asera di Rotonde di Tanki Leendert y a dobla un wiel

 

Diahuebs den oranan di marduga, Polis ta wordo manda pa un dalmento na altura di rotonde Tanki Leendert. Mesora un patruya di Polis a bay n’e sitio.

Na yegada nan ta topa cu un Toyota Yaris y nan a bin compronde cu e chauffeur probablemente lo tabata biniendo cu velocidad halto, bayendo direccion pariba, no a logra brake na tempo y a bay dal contra e asera.

E impacto tabata basta fuerte cu dobla un di e wielnan cu e no por a sigui core. Un amigo cu a pasa net e momento ey, a yud’e pusha e auto y pone bandi pazuid di caminda.

Top