Chauffeur gravemente herida den accidente na Catiri

Diamars den oranan di marduga, un accidente basta fuerte a sosode riba caminda di Catiri, caminda a pidi asistencia urgente di unidadnan policial di Playa, Noord y Santa Cruz.

 

Na e sitio a topa un auto cu su cuater tirenan ariba y e chauffeur pega paden. E chauffeur a keda gravemente herida den e impacto, pa cual a pidi asistencia urgente di paramediconan.

A dura por lo menos un ora pa saca e victima di e auto.

 

A constata cu e chauffeur a dal contra un palo di luz, sigui bay dal den un baranca, pa despues bolter. E accidente a pone cu henter e bario di Catiri keda sin coriente.

A transporta e victima pa Hospital pa ricibi tratamento medico. Tabatin basta daño material.

Top