Chauffeur seriamente herida den accidente fuerte na Bushiri

Un accidente bastante serio a sosode den oranan laat di dialuna anochi, caminda un chauffeur a resulta gravemente herida.

 

Tabata rib’e caminda di Bushiri unda un chauffeur a perde control den e bocht y bay dal contra un troncon di un mata di Kwihi. E chauffeur a keda herida den e impacto cu alabes a lag’e auto completamente destrui.

 

A pidi asistencia urgente di unidadnan di Polis, Ambulance y Bombero. A logra saca e chauffeur for di e auto y transport’e pa Hospital. E chauffeur a ricibi golpi fuerte na su cabes, cual mester a wordo atendi cu ne inmediatamente. Fotos ta cortesia di ArubaNative.com.

Top