Chiara Petrocchi ta cla pa Best of the Best Taekwondo Challenge 2017

Chiara Petrocchi a caba di gana medaya di oro na Chile y ta bay den accion na Best of the Best 2017.

Best of the Best a cuminsa na aña 1995. E famoso Hulandes Henk Meijer a duna un tremendo show na Mariniers Kazerne e tempo ey y Leo Vrolijk, fotografo di AWEMainta a saca un bunita potret di Henk Meijer ta skop un beker for di e cabes di Sheldon Lee.

 

Awor Carlos Hernandez ta promove Best of the Best riba www.mundotaekwondo.com y Aruba ta bay tin 8 pais participando na Best of the Best 2017. Chiara Petrocchi kier tin contrincante di su nivel pa bringa na cas un biaha mas.

Carlos Hernandez tin atleta for di Chile y Colombia cu ta bin specialmente pa fula tera.

Chiara Petrocchi ta den pleno preparacion y nos a tuma nota di esaki den su gym priva bou guia di Johnhairo Maduro.

 

Chiara Petrocchi ta preparando duro pa Best of the Best. Chiara Petrocchi su ruman Sophia Petrocchi y nos atleta Olimpico Monica Pimentel t’e dos partnersnan di sparring di Chiara Petrocchi.

Chiara Petrocchi ta cla pa bataya diasabra 11 di November awor den Centro di Bario Brazil contra di Chile y Colombia.

Leave a Reply

Top