Cientificonan a descubri un especie nobo di orangutan na Indonesia

Diahuebs pasa un grupo di cientifico a anuncia cu, n’e isla di Sumatra, ubicada na Indonesia, a descubri un especie nobo di orangutan, cu dor di e cantidad chikito di nan, ta den peliger di extincion for di nos planeta.

 

E especie nobo di orangutan ta ubica den e region di Batang Toru, n’e parti noord di Sumatra, y segun cientificonan a indica, nan tin un cantidad di aproximadamente 800 ehemplar.

E nomber cientifico di e especie di orangutan aki ta Pongo Tapaniliensis y nan por biba di 30 pa 40 aña, ta midi entre 1.10 pa 1.40 meter, y ta pisa aproximadamente di 40 pa 80 kilo.

 

E preocupacion di mas grandi di e científiconan t’e risico halto di extincion na cual e especie aki di orangutan ta vulnerabel, conoci comunmente como Tapanuli, ya cu e expertonan ta sigura cu “si solamente ocho di e 800 animalnan restante muri of wordo elimina di e grupo cada aña, e especie lo por disparce”.

 

Ademas, nan ta adverti cu “sin medida di proteccion inmediato pa proteha nan habitat forestal cu ta reduciendo hopi liher, e orangutannan aki lo por disaparece den tiki tempo”.

 

Investigadornan di e Universidad Nacional Australiano a descubri evidencia di e poblacion aki bek na aña 1997, pero ta te na 2013 cu a investiga un carpachi di un macho adulto y a descubri pistanan unico den comparacion cu otro especie.

E gran descubrimento aki ta e prome for di 1929, tempo cu na Republica Democratico di Congo a descubri un bonobo nobo, segun ciencia a confirma.

 

Leave a Reply

Top