Cliente di RBC na Sasaki ta bira victima di atraco arma

 

Diabierna mainta, alrededor di 11’or, a bati alarma pa un caso di atraco arma cu a tuma lugar na RBC na Sasaki. Ta trata di un cliente cu a keda sorprendi pa dos atracador.

Ambos tabatin nan caranan exponi sin miedo. Ta sospecha cu ambos por ta envolvi den e cadena di atraconan arma sutando nos isla den ultimo tempo.

E atracadornan a huy for di e sitio den un auto blanco.

 

Unidadnan policial a cuminsa cu un buskeda p’e atracadornan. Durante e buskeda, a topa cu un Hyundai Accent bandona riba caminda di tera banda di Santa Helenastraat pa Bushiri.

Evidencia ta mustra cu esaki por t’e auto cu a wordo uza den e atraco.

 

Ademas, den e mesun area a topa cu otro dos auto procedente di ladronicia. Ta trata di un Toyota Tercel color cora cu a wordo horta for di un adres na Savaneta e mesun mainta y un Toyota Rav sin plachi di number. Esaki tambe a keda confisca.

Mucho mas informacion tin di e caso aki, cu ta den pleno investigacion, pasobra Polis cueste loke cueste, kier pone man riba e malhechornan. Y mester bisa cu nan a sali determina pa manda un mensahe cla y raspa cu ta kere cu nan por bin comete atraco na Aruba.

 

Top