Clientenan di Aruba Bank invita pa bishita Faro di California gratis

Aruba Bank ta invita tur cliente y empleado di Aruba Bank specialmente durante e luna di celebracion di Himno y Bandera, pa bishita e Faro di California gratis.

Por drenta y subi den e structura pa un tour special sin paga e tarifa di entrada.

Ta posibel pa cliente y empleadonan haci un reservacion riba e website di e Faro www.arubalighthouse.com.

Nan por click riba e link di Aruba Bank Clients, y haci nan reservacion por lo menos 24 ora di antemano.

 

Teniendo cuenta cu e limitacion di capacidad pa acomoda bishitante, e invitacion aki ta valido pa un maximo di 48 cliente tur diasabra. E tour cu tin un duracion di 20 minuut ta hiba e bishitante for di e entrada te n’e top di e edificio.

Na su yegada e cliente ta mustra su carchi di ATM of Credit Card di Aruba Bank, plus un ID pa confirma su reservacion.

Leave a Reply

Top