Co-Fundador di MEP Casper Boekhoudt a fayece sorpresivamente

Ayera den dia, nos a recibi e tristo noticia, cu e conocido ciudadano, ex-politico, co-fundador di MEP, Casper Boekhoudt a fayece sorpresivamente,na edad di 79 aña, despues di a haya un atake di curazon na su cas den oranan di anochi.

Manera menciona, Casper Boekhoudt tabata co-fundador di MEP, cual partido a caba di celebra su 46 aña di fundacion.

 

Como persona di confianza di Betico Croes, Casper Boekhoudt a bira Diputado di Turismo, despues cu MEP a gana eleccion di Eilandsraad.

Casper Boekhoudt tabata miembro di Algemene Rekenkamer y tambe Presidente di Hunta Directiva di Volks-Krediet Bank.

 

Casper Boekhoudt ta un amante di mata y sigur esnan cu ta ser considera como remedy di tera. Como tal e tabata haya hopi bishita. Casper ta e.o. tata di Byron Boekhoudt, homber di agricultura, cria y pesca y miembro di Fundacion Hadicurari.

Pa medio di esaki, nos di AWEMainta ta manda nos palabra di condolencia pa famia y cu Casper sosega na paz.

 

Top