Coca Cola Nacional Division Honor ta cla

Nos team campeon, Coca-Cola Nacional, ta bon prepara p’e campeonato division honor 2017/2018 cu ta ranca sali e weekend aki mes.

 

Cu nos titulo di campeon, nos ta mas prepara cu nunca pa sigui cu e racha di gana so. Ta p’esey nos kier invita henter pueblo di Aruba pa bin aprecia nos prome wega p’e temporada aki, diasabra awo dia 14 di october.

Esaki ta tuma luga na Centro Deportivo Guillermo P. Trinidad na Dakota pa 8’or di anochi.

For di 7.30 pm ya por cumpra ticket pa drenta y presencia e tremendo partido aki. Entrada ta Awg. 7.= y pa mucha te cu 12 aña solamente Awg. 1.=.

 

Bin pa boso mes wak pakico nos ta y lo keda campeon.

Asina tambe apoya y engrandece e deporte di mas gusta na mundo cu ta logicamente futbol.

Coca-Cola Nacional ta invita fanaticonan di futbol y henter pueblo di Aruba p’e wega interesante aki.

 

Un informacion special pa nos fanaticonan di Coca-Cola Nacional: e biaha aki nos tin e tribune parti panort.

Bin masalmente y manera Semper, bon anima p’asina nos demostra henter Aruba ta con ta apoya un team!

 

Baha fanaticonan di Nacional… Ban yena stadion y ban mustra nos goso cu orguyo. Futbol ta nos pasion y Nacional ta nos team!

Leave a Reply

Top