Come y Baila henter anochi! Renaissance Festival Plaza anfitrion pa e di 11 edicion di Caribbean Sea Jazz

Diabierna 15 y diasabra 16 di september, Renaissance Festival Plaza lo ta anfitrion pa otro fenomenal Caribbean Sea Jazz. Ademas di e line-up imprecionante cu lo tin pa e festival tin hopi atencion pa e vibracion y experencia rond di e anochinan musical.

Aki mester pensa riba cos di come y bebe, bahada di solo, cocktail y mas!

 

Preparabo pa standnan di cuminda cu lo ofrece mesun dushi sensacion, cu e line-up di artistanan pa e festival di e aña aki. Renaissance Marketplace ta Aruba su capital culinario y ta conoci pa su variacion amplio di restaurantnan, cada un, cu nan experticio. For di cushina local pa esun oriental, durante di e proximo Caribbean Sea Jazz bishitantenan lo haya un pakete total; e miho den musica y definitivamente e miho variacion culinario. Pa esunnan cu ta gusta algo zoet, lo tin e popular ‘poffertjes’ Hulandes of un dushi koffie (friu of cayente) cu Baileys of Kahlua.

 

E ‘foodcourt’ lo ta central na Renaissance Festival Plaza, cu amplio lugar pa sinta y disfruta henter e festival. Bishitantenan por sinta den e ‘garden terrace’, mientras ta experencia un bahada di solo y un porcion di keshi yena pa complementa e atardi.

E terasa tin un bista excelente riba escenario principal, pues no ta perde ni un minuut di e show. E ‘food court’ ta habri 6’or di atardi riba ambos dia.

 

Caribbean Sea Jazz e aña aki lo conta cu presentacion di Oruba, Esha, Caribbean Latin Jazz Xpress, Cory Henry & the Funk Apostles, Jesse van Ruller Trio, Maceo Parker, El Prove y Habana All stars, NG La Banda, Zuco 103, Rubén Blades y Shirma Rouse.

Ta recorda tur hende cu e fin di siman aki lo bishita e festival cu por paga unicamente cu tokens di Caribbean Sea Jazz.

 

Por cumpra esaki parti paden di e Renaissance Festival Plaza. Busca bo carchi di entrada na puntonan di benta ya conoci; entrada general $65 pa dia, un pas pa e weekend ta costa $120. Carchinan VIP ta $175 pa dia.

 

Pa mas informacion bishita e pagina di Facebook di Renaissance Mall & Marketplace of di Caribbean Sea Jazz. Disfruta!

Top