Comerciante Chines, T.Y. Cheng deteni den caso di Minister Paul Croes; Despues di a ser interoga a ser laga den libertad

E comerciante Chines, T.Y.Cheng propietario di Cheng’s Supermarket, kende a keda deteni diaranson ultimo, ya diahuebs atardi, a ser laga den libertad. Esaki a keda confirma pa vocero di Ministerio Publico, kende a bisa cu no tin motibo pa sigui detene e sospechoso aki.

Manera Ministerio Publico a duna di conoce, cu su detencion tin di haci di soborno cometi pa por haya permiso for di Minister Paul Croes.

 

E hecho cu e comerciante a ser scucha den e caso di Minister Paul Croes y laga den libertad, ta un indicacion cu lo no tin prueba contundente pa prolonga su detencion. Ta mustra tambe cu e expedicion contra Minister di Labor, drs. Paul Croes ta continua.

 

Pesey ta di lamenta cu tin medionan di comunicacion cu ta manera ta goza cu e hechonan aki, kier sigui difama y lastra personanan inocente den nos comunidad. Te awe e team investigativo a detene y menos ainda, scucha e sospechoso, esta e propio Minister drs. Paul Croes, pero si tin hende ta goza di dolor di otro y sin ainda cu el a ser hugza, kier encrimin’e.

 

Tambe Ministerio Publico a confirma cu e dos damanan deteni den caso di Paul Croes tambe a ser laga den libertad.

E dos damanan di inicial A.V. y L.M. ta traha pa un uitzendbureau y nan ser deteni pa supuesto envolvimiento den e caso penal “IBIS”, pero no tin motibo pa prolonga nan detencion.

 

 

Top