Comision di Pastornan ta bin – Iglesianan Cristian cu lectura tocante eleccion

Den cuadro di eleccion pa nombra miembronan nobo di Parlamento na september proximo, Iglesianan Cristian di Aruba ta organisa un lectura cu orador dr. Veronica Evelyn, diasabra dia 26 di augustus 2017 di 7:30 pa 10:00 pm na Renaissance Convention Center.

Dr Veronica Evelyn ta un Cristian y un sociologo cu expertisio den conseha nacionnan chikito den asuntonan di cambio di comportacion.

 

E ta boga pa balornan Cristian ta bisto tanto den sector publico como sector priva. Dr. Evelyn a colabora cu varios nacion chikito den Caribe y cu organisacionnan grandi manera International Labor Organization y UNICEF.

Ultimo añanan el a dedica atencion na Asunto Social y Asunto di Famia pa logra cambionan positivo den comunidadnan di paisnan chikito.

 

Dr. Evelyn lo elabora riba e tema di e Voto Cristian contestando e pregunta: Ta Dios su boluntad pa un Cristian participa n’e proceso electoral? Lo presenta e proceso di votamento y gobernacion for di un perspectiva biblico.

Carchinan p’e evento aki ya ta disponibel na Citgo Essoville na San Nicolas, Antesala Cafe na Savaneta.

Na Oranjestad carchinan ta obtenibel na Citgo Boulevard y Friends of God Bookstore.

Comision di Pastornan di Iglesianan Cristian di Aruba ta convenci cu e evento aki lo contribui na duna pueblo di Aruba un bista mas cla di e balor y importancia di e voto Cristian.

Top