Comision di Welfare di Women’s Club of Aruba a celebra Dia di Mama cu nos grandinan

Den luna di mei aki cu nos a celebra Dia di Mama, Comision di Welfare di Women’s Club of Aruba (WCA) a celebra e dia special aki cu tur nos grandinan di Stichting Algemene Bejaardenzorg Aruba (S.A.B.A.).

Na Cas di Cuido San Nicolas e famoso cantante y musico Jossy Brokke Jr. a entretene nos grandinan cu su bunita cancionnan di Mama.

Asina tambe e comision a celebra Dia di Mama na St. Michael Paviljoen y na Huize Maris Stella, aki e grupo musical La Escala a sa di entretene nos grandinan cu bunita canticanan dedica na tur mama presente.

E miembronan di dicho comision a anima, balia y gosa cu nos grandinan y tene nan contento pa nan a pasa un dushi mainta feliz y contento celebrando nan Dia di Mama.

Leave a Reply

Top