Comision Nacional pa implementacion di Metanan pa Desaroyo Sostenibel ta invita interesadonan pa ‘Aruba Sustainable Action Forum’

Comision Nacional cu ta encarga cu proceso di implementacion di Metanan pa Desaroyo Sostentibel (SDG) di ‘Nacionnan Uni’ ta invita representantenan di sector publico, sector priva y organisacionan no gubernamental pa ‘Aruba Sustainable Action Forum’ cu lo tuma lugar dia 21 di februari, 2017.

E foro ta pa informa y alinia perspectivanan riba e proceso di implementacion di e Metanan pa Desaroyo Sostenibel na Aruba y tambe pa stimula partnership entre e diferente sectornan.

 

Durante e ‘Aruba Sustainable Action Forum’, Prome Minister Mike Eman ta elabora riba con e vision di Gobierno di Aruba y e Metanan pa Desaroyo Sostenibel ta complementa otro p’asina yega na un sociedad sostenibel y prosperidad comparti.

Representante di United Nations Development Program ta elabora riba con UNDP ta asisti Aruba den e proceso di implementacion.

 

E Comision Nacional lo presenta e metodo y proceso cu ta wordo uza pa garantisa un implementacion exitoso.

‘Aruba Center of Excellence’ ta presenta nan participacion den captura e conocemento di e proceso di implementcion y comparti esaki cu otro islanan rond mundo.

Tambe expertonan riba e topico di conocemento lo duna un lectura con pa crea partnerships entre e diferente sectornan y tambe con pa captura y comparti conocemento entre e partnernan.

 

Aruba ‘Sustainable Action Forum’ ta tuma lugar dia 21 di februari, 2017 di 8.30 am te cu 12.00 pm na Crystal Theater.

Pa atende e foro aki por fabor registra via email na sdgaruba@kabinet.aw.

 

 

Top