Compania cu a cumpra edificio no por saca huurdó sin mas

PHILIPSBURG – Recientemente Corte Comun di Husticia a dicta sentencia den un caso caminda un compania a cumpra un edificio y kier a saca un huurdó pero legalmente no por haci esey. Te den Corte ainda nan a perdè e caso.

 

Detayenan di e caso t’asina aki. E compania Marble House B.V. na Sint Maarten a cumpra un edificio serca Cimba Management Ltd den cual nan ta huur espacio.

Cimba Management Ltd. tabata explotá 7 tereno na Simpson Bay na Sint Maarten.

Dia 6 di november 2005 Cimba a transferi e erfpacht di e 7 terenonan na Lido Real Estate a cambio di pago di 600.000 dolar pa aña durante 14 aña.

Na 2008 e restaurant Burger King a habri den un local cu nan a huur serca Cimba.

Dado momento cos a bay malo y Cimba a bende e centro comersial cu Marble House.

Un di e condicionnan tabata cu Burger King Restaurant a haña contract pa 50 aña pa huur espacio.

 

Dado momento e doño nobo (Marble House) a exigi pa Cimba sali for di e espacionan den e centro commercial y Huez a confirmá cu nan por haci esey, pero no a bisa aserca cu e mester sosodé inmediatadamente.

Den e caso di apelacion, Corte Comun a anulá e decision na fabor di e doño nobo, pasobra e contract di huur original ta keda valido.

Aki Corte a aplicá e principio di “Koop breekt geen huur” riba cual Marble House a bay Corte Superior.

 

Corte Superior a descirbi e situacion caminda e doño nobo a bisa Cimba “ami t’e doño awor y bo tin cu sali” riba cual Cimba a contestá “…pero bo no tin documento cu ta proba cu mei mester sali…”.

Corte a duna Cimba e caso ganá, pasobra doño nobo no por kibra contract legal cu a firma promé cu Marble a bira doño.

Top