Compensacion pa traha riba 18 di maart cu ta un dia oficial di fiesta o conmemoracion

Diasabra 18 di maart 2017, Dia di Himno y Bandera, ta wordo considera como un dia oficial di fiesta o conmemoracion segun art. 22 di e Ordenansa Laboral 2013.

 

Compensacion pa traha riba un dia di fiesta o conmemoracion

Pa sectornan horeca, casino y continuo un dia di fiesta o conmemoracion por ta un dia normal di trabou. Den caso cu e trahador ta geschedule pa traha riba e dia aki, e tin derecho riba 200% di su salario.

Si riba e dia aki e trahador traha mas cu su oranan regular (pa sector horeca/casino esaki ta 9 ora y pa sector continuo ta 8 ora) ley ta considera cu e trahador ta traha overtime riba un dia di fiesta y e tin derecho riba 250% p’e oranan extra.

 

Pa sectornan cu por aplica trabou di shift (ploegenarbeid) segun e lista oficial anuncia dor di Director DAO entrante 1 januari 2014 (p.e. kioskonan, touroperators, sector di limpiesa, recreacion, huurmento di auto y atraccionnan turistico) ta posibel pa schedule un trahador pa traha riba 6 di e 11 dianan di fiesta.

Riba e sobra 5 dianan di fiesta e trahador mester ta liber. Riba e 6 dianan e trahador cu ta riba schedule tin derecho riba 200% di su salario y si no por duna e trahado liber riba e otro 5 dianan y ta yam’e pa traha overtime, e tin derecho riba 250% p’e oranan regular (8 ora) y p’e oranan extra.

 

P’e otro sectornan (p.e. supermercado y comercio en general) caminda e dianan di fiesta ta wordo considera como un dia di sosiego, den caso cu e trahador wordo pidi pa traha riba e dia aki, esaki lo ta a base di overtime y e trahador tin derecho riba 250% di su salario (wak e schema adhunto).

 

DAO ta pidi tur dunador di trabou pa tene bon cuenta cu e compensacion pa traha riba un dia di fiesta p’e diferente sectornan.

 

Schema compensacion pa traha riba un dia di fiesta

 

   

Sector

horeca/casino

 

 

Sector

continuo

 

Sectornan cu

por aplica trabou di shift

 

 

Otro

sectornan

 

Oranan

regular

 

 

9 ora

 

8 ora

 

8 ora

 

8 ora

 

Compensacion

pa oranan

regular

 

 

200%

 

200%

 

-200% riba

6 dianan

di fiesta

 

250%

 

 

Pago overtime riba dia di

Fiesta

 

250%

(despues cu surpasa oranan regular)

 

250%

(despues cu surpasa oranan regular)

 

250%

(riba 5 dianan

di fiesta cu lo mester ta liber y despues cu surpasa oranan regular)

 

 

250%

 

Leave a Reply

Top