Competencia di Feria Internacional Interpaso 2017 lo celebra su di 32 aniversario

Den e fin di siman benidero, Villa Floralina e cas di e Feria Internacional, Interpaso 2017 lo premira di ta yena cu publico mirando e competencia di cabay. Durante tres dia largo, cuminsando diabierna awor, lo bay tin competencia den tur modalidad sin lubida e ambiente unico cu Feria Internacional di Paso Fino so por ofrece.

Pa varios luna e Organisacion Caballista Arubano, OCA ta preparando p’e competencia di cabay mas grandi riba nos isla. Nos competidornan di Aruba ta cla pa competi contra e mihornan den nos region.

 

Paisnan participante na Interpaso 2017 ta Colombia, Republica Dominicana y Corsou cu despues di algun aña ausente lo ta bek na Aruba cu 7 cabay den e Interpaso modalidad di Paso Fino cu 15 jinete y amazona.

No por lubida nos propio competidornan di Aruba cu sigur lo ta super bon prepara p’e Interpaso aki.

Nos amazona y jinetenan semper a duna bon presentacion y logra premionan grandi. No tin duda cu e biaha aki lo mester tene cuenta cu e delegacion di Aruba.

 

Mester bisa cu e competencia di nos mucha y hobennan lo bay ta diadomingo y diasabra. E interes ta hopi grandi mes mirando e cantidad grandi di participante.

Tin indicacion cu for di nos isla ruman, Corsou so a bin cu 19 mucha, mientras Aruba lo tin e cantidad di mas hopi cu ta 25.

E deporte di cabay semper a destaca internacionalmente cu algun bon jinete y amazona.

Den pasado nos a logra titulonan mundial y a sa na laga nomber di nos dushi isla di Aruba resona den exterior.
Un danki sigur na Lotto, e Loteria di Aruba pa medio di Comision di Subsidio cu tambe a yuda subsidia e competencia di internacional di Interpaso 2017 organisa pa Organisacion Caballista Arubano.

 

Top