Competencia di fli na Playa Pabao

Directiva di Centro di Bario Playa Pabao ta participa na e hubentud y adultonan di Playa Pabao, y di Aruba en general, cu e aña aki lo tuma luga su tradicional competencia di fli.

 

E actividad aki ta tuma luga diahuebs 27 di april, pues Aña di Rey, na Centro di Bario Playa Pabao. Inscripcion ta tuma luga riba dia di competencia for di 7:45am pa 8:45am y lo cobra e suma di 5 florin pa fli.

Competencia di fli ta cuminsa 9’or. Lo competi den 3 categoria: categoria A di 10 cm – 50 cm, categoria B di 51 cm – 100 cm y categoria C di 101 cm – 200 cm.

Tuma bon nota cu den categoria A ta acepta 40 fli, Grupo B 80 fli y grupo C 40 fli.

 

Directiva di Centro di Bario Playa Pabao ta pidi participantenan pa tuma bon nota di e categorianan y e orario di inscripcion y ta desea e participantenan tur clase di exito rib’e dia aki. Lo tin un bar y cushina bon sorti.

Pues bin celebra Aña di Rey den un ambiente familiar na Centro di Bario Playa Pabao.

Y no lubida cu merdia di 1’or pm pa 5’or pm tin oportunidad pa baila. Un danki ta bay na Cede-Aruba y Prins Bernard Cultuurfonds pa nan sosten financiero.

Top