Con por ta cu Glenbert Croes ta Ministeriabel

For di momento cu a cuminsa negociacion entre partidonan cu a yega na un acuerdo pa forma Gobierno, e prome reaccion cu por a scucha ta cu e candidato di MEP Glenbert Croes no por ta Ministeriabel.

Sinembargo por a compronde cu e lider di MEP y Formador Evelyne Wever Croes a manda 12 nomber pa screening y den e lista aki ta aparece e nomber di Glenbert Croes ta aparece. Pakico manda 12 nomber si e intencion ta pa nombra 7 Minister? For di insiders AweMainta a compronde cu e lider di MEP a djis hunga un wega di palabra pasobra for di inicio di negociacion a nota cu pa por logra yega na un acuerdo y complace cu candidatonan di MEP y partidonan partner mester mantene 9 post di Minister manera tabata e caso desde 2013.

E hecho cu Formador a manda 12 nomber pa screening ya caba ta lanta hopi pregunta di pakico? Acaso e tabata sa of tin duda cu cierto candidatonan lo pasa e screening aki? E screening pa e personanan cu ta bay bira Minister ta wordo haci door di Siguridad Nacional, Departamento di Impuesto / Finanza y tambe Gabinete di Gobernador (Representante di Rey Willem Alexander). Den e investigacion ta chek aspectonan penal pero tambe civil. Si e candidatonan tabatin problema cu ley, tin debe y cu ken, etc. Den cuadro di esaki tabatin diferente persona cu a indica na AweMainta cu Glenbert Croes sigur ta un persona cu no ta Ministeriabel. Simplemente mira su circulonan di Amistad y personanan cu kende e tabatin negoshi den pasado. Aserca ta bini, e caso di WEB. Manera ta conoci el a firma pa otorga cierto compensacionnan na empleadonan di WEB y cual no tabata permisibel. E caso aki a bay para te den Corte unda cu Glenbert Croes a wordo condena pa paga e suma di mas cu 600 mil florin plus e interes legal di 18%. Fuentenan a indica tambe cu ainda e suma aki, cu na final ta yega casi 1 miyon florin, no ta paga of no ta completamente paga ainda. Pesey e pregunta: Con por ta cu Glenbert Croes ta Ministeriabel. Otro fuentenan a splica cu Glenbert Croes no tin un carchi castigo na OM, e no debe belasting, pues e lo por bira Minister. Den pasado e screening di Gobernador no a pasa.

Pero tambe ta haci e pregunta riba Otmar Oduber, kende tin denuncia haci contra dje.

Mientrastanto informacion ricibi for di seno di MEP diamars den dia ta cu ta trahando pa keda cla cu e puesto di Ministernan y anuncia esaki durante un conferencia di prensa diaranson mainta.

Leave a Reply

Top