Conmemoracion dia 3 òctober 1795

WILLEMSTAD – Minister M. Alcalá-Wallé a invitá pueblo di Còrsou completo pa conmemorá e ehecucion di Lidernan di Lucha pa Libertad na 1795.

Den cuadro di e ciclo di Herencia di Sclavitud, Gobièrno di Còrsou ta para keto n’e fecha di 3 òctober 1795, fecha cu a ehecutá di Tula, Bastiaan Karpata, Pedro Wacao, Luis Mercier, Luis Sambo, Mars, Juan Domingo Coraar y Juan Felix.

 

P’e ocasion akí Ministerio di Enseñansa, Siensia, Cultura & Deporte (E.S.K.D.) a sostené e colaboracion entre di Cas di Cultura y Plataforma di Sclavitud Herencia di Sclavitud, organisacionnan cu a organisá un exposicion titulá: ‘Tula, Historia Compartí’.

E exposicion ta keda habrí for di 3 òctober y lo keda habrí te cu 14 di novèmber na Villa Maria, Van den Brandhofstraat Scharloo y ta basá riba publicacion di drs. Charles Do Rego.

 

Gobierno a enfatisá e importancia di e balornan cu e historia di sclavitud a laga ‘tras pa nos cu ta “Libertad, Fraternidad y Hermandad” y kier haci uzo di e oportunidad pa invitá pueblo di Còrsou pa bishitá e exposicion y asina nos ta keda inspirá cu e historia y uza e sabiduria pa yuda fortalecé nos futuro. Entrada ta grátis!

Leave a Reply

Top