Conoce e atletanan hubenil cu a logra destaca den e aña deportivo 2016

 

Durante di un anochi di gala lo haci entrega di e maximo galardon n’e atletanan cu a destaca den e aña deportivo 2016.

E prestigioso evento Premio Excelencia den Deporte ta unico den su estilo mirando cu e riba e dia ey nos mihor deportistanan femenino y masculino den tur edad ta bin hunto p’asina wordo reconoci pa nan logronan den e aña deportivo tras di lomba.

Cada logro a bin cu su motivacion, sacrificio, esfuerso y determinacion, cada atleta kier a demostra cu e t’e digno representante di su deporte.

Atletanan den diferente ramo di deporte den e categoria deportista hubenil femenino y masculino (14 -18 aña) a logra impone den e aña deportivo 2016 y cada un a gana e derecho di wordo nomina como e  mihor atleta di nan federacion pa premio maximo como Aruba su atleta di aña 2016.

 

Mester bisa cu e logronan di cada un di e atletanan aki ta simplemente impresionante. Mas cu claro e cuerpo di hurado tin e tarea dificil di eligi e atletanan aki.

E aña aki pa di 13 biaha consecutivo, un comision consistiendo di representantenan di e organonan deportivo manera Aruba Sport Unie, IBISA, Ministerio di Deporte hunto cu e reportero y/of redactornan deportivo di prensa, radio y television, den un forma organisa y imparcial ta studia y repasa e curiculo di tur e nominadonan, pa na final scoge e deportista di aña y reconoce e figura deportivo pa nan prestacion.

Esaki ta e atletanan cu e aña aki a keda nomina pa nan federacion den e categoria di 14 pa 18 aña

 

Deportista hubenil femenino di 14 te cu 18 aña ta: Kayla Solagnier – Tennis; Rebecca Spellen – Gymnasia; Elisabeth Timmer – Landamento; Abigail de Veer – Landamento Sincronisa; Chiara Petrocchi – Taekwondo; Monica Bremo – Ahedrez; Nicole Dijkhoff  – Pesas; Melanie Wever – OCA; Lixandra Geerman – Atletismo.

 

Deportista hubenil masculino di 14 te cu 18 aña ta: Jeandry Mathilda – Ping Pong; Kyle Frankel – Tennis; Jobenson Myrthill –  Basketball; Kevin Henriquez (road) – Ciclismo;

Jair Kelly (road) – Ciclismo; Giannon Eights – Triathlon; Nathan Westera – Sailing; Edwin A. Wever Vasquez –  Esgrima; Patrick Groters – Landamento; Brian Howell Brokken –  Volleyball; Jourde Klaber – Taekwondo; Jomar Benschop – Ahedrez; Justice Dreischor – Atletismo; Owen Tromp – Pesas y Willem Werleman – OCA.

 

 

Top