Conoce nominadonan pa atleta local y internacional di aña 2016 den Premio Excelencia den Deporte

Aunke tur premiacion ta importante riba e anochi di Premio Excelencia den Deporte, mas cu claro e lo culmina cu e entrega di e dos premio grandinan.

Tur hende ta ancioso pa sa kende lo bira Aruba su Atleta Local y Internacional di aña 2016.

 

E atletanan nomina e anochi aki den e categoria atleta di aña local y internacional t’e mihor deportista di 2016 cu e federacionnan deportivo a nomina.

For di 2003 e premio maximo aki a wordo gana p’e deportenan di Tennis, Biyar, Landamento, Bela, Taekwondo, Cabayista y Bowling.

E atleta Sarah Quita Offringa di bela a logra e premio maximo pa un total di tres biaha, mientras cu Kamilah Dammers di bowling y Micky van der Vaart di landamento a logra e premio maximo dos biaha cada uno.

 

Aña pasa, e atleta di bowling, Thashaina Seraus a logra sali e atleta di aña internacional y asina duna bowling su di tres galardon tras di otro.

Te cu awor aki e atletanan femenino (7) tin mas galardon internacional conkista cu e atletanan masculino (6).

Pa loke t’e premiacion como atleta local di aña introduci na 2014, e titulo maximo a bay dos biaha p’e triatleta masculino, Renze Postma.

 

Siguientemente nos tin e atletanan local y internacional nomina p’e premio maximo como Aruba su Deportista di Aña

Atleta Local: Renze Postma – Triathlon; Ethan Westera – Sailing; Aaron Franken – Biyar; Jennifer Piter – Pesas; Mark Bueno – Ahedrez.

 

Atleta Internacional: Allyson Ponson – Landamento; Kyra Hoevertsz – Landmento sincronisa;

Aksel Samardzic – Beach Tennis; Nicole van der Velden – Sailing; Monica Pimentel – Taekwondo; Jayme Mata – Judo; Joel Kuiperi – Pesas; Julianne Dorothal – Atletismo; Mario Lobo – Tenis di Mesa; Tirslain Jansen – Esgrima; Elmerlindo Robles de Medina –Volleyball;

Eldrick Dijkhoff –Softball; Mark Bueno – Ahedrez.

Top