Conocido ex Parlamentario Selwyn Spanner a fayece

Awe  tardi, for di yiunan di Selwyn Spanner, nos a ricibi e triste noticia cu nan tata a fayece na Pemproke Pines, Florida.

Selwyn Spanner a nace na San Nicolas, a biba den Village, unda el a crea masha hopi amistad.

El a dicidi di purba como politico, y asina a subi lista di PPA.

Y asina a bira miembro di Eilandsraad, te ora cu a surgi diferencianan cu dirigentenan di PPA, Selwyn Spanner a dicidi di funda su propio partido y asina purba di keda eligi, loke no tabata e caso.

Maske e por tabatin diferencianan politico, el a bira masha amigo di Guillermo Trinidad, cu kende e tabata riba lista di PPA, pero tambe cu Betico Croes di MEP.

 

Ora e no a logra su metanan cu su partido, Selwyn Spanner a muda pa Merca, pa ser exacto pa estado di Florida. Unda su entiero lo tuma lugar tambe.

Despedida lo tuma lugar diadomingo awor, pa 10 or di mainta, unda tin un Santo Sacrificio di Misa na Nakia Ingraham Funeral Home, 6701 Pembroke Rd, Pembroke Pines FL 33023, sigui despues cu e acto di entiero.

Na su famia, ta bay nos mas sincere condolencia. Cu Selwyn Spanner sosega na paz.

Leave a Reply

Top