Construccion di verkeersplateau na altura di Germanstraat, San Nicolas

Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Germanstraat na San Nicolaas cu dia 19 di mei 2017 lo bay construi un verkeersplateau.

 

Rutanan alternativo lo keda indica cu baricadanan y borchinan di aviso y e orario di trabou lo ta di 7’or di anochi y ta programa pa caba 3’or di marduga.

 

En conexion cu e trabou menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.

Leave a Reply

Top