Construyendo Progreso: Minister Croes a aporta na SV Bubali durante Aruba Doet

 

Pa di 5 aña Cede Aruba ta organisa nan gran proyecto Aruba Doet na unda cu miles di boluntario ta aporta na un bon causa rib’e dia aki y yuda un instancia.

Pa Minister Croes y su ekipo esaki a bira un tradicion na unda cu hunto pa varios aña caba ta pone man na obra y yuda un instancia riba dia di Aruba Doet.

 

E aña aki e proyecto cu e Minister a escoge tabata na SV Bubali. Aki, for di ora nan trempan di mainta, Minister Croes hunto cu su ekipo y tambe e ekipo di SV Bubali a cuminsa cu trabounan rib’e edificio unda cu a verf, haci cura limpi y duna henter e clubhuis un facelift.

SV Bubali ta bini for di e bario di Noord pa cual Minister Croes semper tabatin un atencion special y ta contento cu por a duna un man y haci e trabou boluntario aki y yuda e club ricibi un cara nobo den e colornan berde y blanco.

 

Como Minister di Asuntonan Social, sr. Croes ta mira e importancia di boluntarismo y ta aplaudi y gradici tur boluntario cu a tuma tempo y aporta na Aruba Doet y asina hunto yuda hiba nos comunidad dilanti. Tambe Minister Croes ta felicita CEDE Aruba pa e bunita trabou eherci durante Aruba Doet.

Top