Construyendo Progreso Minister Paul Croes ta sigui encurasha esnan riba Bijstand pa reintegra den mercado laboral

Minister Paul Croes a inicia e programa ‘Ban Traha’ na januari 2014 caminda tabatin 2.912 persona riba onderstand.

For di e momento ey a inicia un proceso pa sondea personanan cu por y kier traha p’asina yuda nan den e proceso pa haya un empleo.

Minister Paul Croes tin e grato placer di anuncia cu den 3 aña a logra reduci e cantidad cu 444 persona reintegrando nan den mercado laboral.

 

Esaki tambe ta nifica un reduccion den e suma di bijstand riba presupuesto nacional di mas cu 4 miyon florin. Cu e reduccion aki ta inverti bek asina den programanan social.

Esnan cu a haya un trabou automaticamente a bay dilanti den nan entrada.

Meta di Minister di Asunto Social y Labor drs. Paul Croes ta pa logra un reduccion di 500 persona asina reintegrando nan den e mercado laboral.

 

E control riba esnan cu ta cobra bijstand, pero cu ta traha tambe, a wordo reenforsa. Pa januari 2017 e cantidad di personanan cu ta hayando e apoyo financiero for di Gobierno a logra baha te na 2.466, reduciendo e cantidad cu 444 persona.

Top