Consulado Mericano no kier pa su staff biaha por lo pronto mas cu InselAir Pa falta di seguridad

WILLEMSTAD – Consulado Mericano na Willemstad, Corsou a tuma decision cu tur miembro di staff, ta ser conseha pa no biaha cu avionnan di InselAir.

E decision a keda tuma basa riba preocupacion relaciona cu no tin garantia di seguridad di buelonan di InselAir.

Recientemente tabatin dos incidente, banda di otro diferente mas, cu a pone Consulado Mericano tuma dicho decision.

 

Dia 27 di december ultimo, un buelo di InselAir mester a baha na Colombia, debi na problema cu presion den cabina. Dia 13 di januari ultimo, un buelo direccion pa Miami, tambe a perde presion y mester a bolbe Corsou urgentemente.

Segun Consulado Mericano, den ultimo 6 luna, 4 otro buelo di InselAir mester a bolbe Corsou pa diferente problema.

E medida tuma, pa no bula cu InselAir ta un temporal y lo avisa dia cu lo cambia e medida aki.  Esaki ta otro sla pa InselAir.

 

Tambe a keda participa cu e Waiver Program p’e islanan aki, ta keda vigente y lo no tin cambio.

Top