Contamento di storia na Museum of Industry diadomingo awor

 

Den cuadro di Kinderboekenweek, riba diadomingo 5 di november 2017, Museum of Industry ta organisa su ultimo evento di contamento di storia pa muchanan e aña aki.

Cu e actividad aki museo ta enfoca ariba e importancia di lesamento.

 

Pa museo brinda e muchanan un mainta inolvidabel, a invita dos autor cu ta bin conta storia basa ariba e tema di Kinderboekenweek.

E dos autornan cu museo a invita ta Sheila Werleman y Emerita Emerencia.

E contamento di storia ta dirigi na muchanan di 4/5/6/7 aña, e biaha aki.

 

Contamento di storia lo cuminsa 11 am y ta finalisa 1 pm.

Museo mes ta habri su portanan pa 10 am te 2 pm e diadomingo aki.

Entrada p’e storytelling ta 8.75,- pa persona, y ta necesario pa inscribi e muchanan prome cu e evento. Por inscribi na infomuseumofindustry@gmail.com of por yama na 5847090.

Na final di e evento, tur mucha ta haya un “treat” prome cu bay cas.

 

Museum of Industry ta gradici Oduber Agencies Aruba, Johnsons Supermarket y New India Insurance Company, pa nan sosten y ayudo pa haci e mainta aki posibel pa nos muchanan.

 

Pa esnan cu ta interesa, por pasa bishita Museum of Industry na San Nicolas.

E museo ta relata e storia di e desaroyo industrial na Aruba den e ultimo dos siglonan, cu ta encera e industrianan di oro, aloe, fosfaat, petroleo y turismo.

Museum of Industry ta habri di dialuna pa diabierna di 9 am te cu 6 pm, y riba diasabra di 10 am pa 2 pm.

Si bo persona ta interesa pa bay cu un grupo of organisa un evento na Museum of Industry, por tuma contacto cu e museo na 584 7090 y tambe por sigui nan via Facebook.

Leave a Reply

Top