Copa Aruba Teams drentando su recta final pa defini e mihor ekipo den tenis di mesa

Mas o menos 6 luna pasa, Aruba Table Tennis Association a inicia cu Copa Teams Aruba cu ta wordo hunga den team consisti di dos hungador. Tur siman e ekiponan ta lucha contra di otro p’asina keda halto den e ranking prome cu e rondnan final cuminsa.

E weganan di Copa Teams Aruba semper ta emocionante y di bon nivel, unda nos hobennan ta resalta den forma impresionante den nan weganan hunga.

 

Recientemente tabatin algun bon partido cu e ser hunga na Club Estrella y Centro Deportivo Betico Croes.

E ekipo di Jon Tai Aruba a gana 3 x 1 for di Power Pong, e duo di Magic Angle ta gana 3 x 0 di Omega Table Tennis. Tambe nos ta haya Dragon CD a gana Omega TableTennis 3 x 0, mientras Mazuga Table Tennis a gana 3 x 1 for di Power Pong.

Den e otro weganan nos ta haya Mazuga Table Tennis a gana 3 x 2 for di Hooters Table Tennis y Jon Tai a gana 3 x 0 for di Mazuga Table Tennis.

Por ultimo nos ta haya  Mario’s Sport Shop a gana 3 x 0 for di Omega Table Tennis y Omega Table Tennis a gana di Dirksen Team 3 x 0.

 

E deporte di table tennis a cuminsa briya y saca cara di nos isla den exterior. Sigur den e region di Caribe, Aruba su nomber ta resalta.

Luna pasa cu un ekipo relativamente hoben, Aruba a logra clasifica p’e torneo Senior Panamericano na Cartagena, Colombia, mientras cu siman pasa e hobennan Jeandry Mathilda y Chingho Chung a demostra cu Aruba su nivel no ta leu den comparicion cu e hungadornan di e continente Sur America.

Nan a bataya bon y duna dolor di cabes na varios pais grandi manera Brasil, Chile, Colombia y Peru.

 

Un danki sigur na Lotto, e Loteria di Aruba pa medio di Comision di Subsidio cu a yuda subsidia e torneo di Copa Aruba Teams 2017.

Leave a Reply

Top