Copa Teams Aruba a inicia den tenis di mesa

E torneo di tenis di mesa Teams Copa Aruba a inicia diamars ultimo den Centro Deportivo Betico Croes cu varios ekipo participando.

E weganan a cuminsa cu yen animo y ta bayendo den gran forma. Casi henter e lunanan di mei y juni Copa Teams Aruba ta wordo hunga den team consisti di dos hungador.

Mester bisa cu e weganan tur ta riba un super bon nivel, unda nos hobennan ta resalta den forma impresionante den nan weganan hunga.

No tin duda cu e nivel di tenis di mesa a desaroya su mes den bon forma unda nos atletanan ta resalta unda cu nan competi.

 

Den varios torneo den nos region y esnan local cada uno a resalta den nan weganan hunga.

E aña aki e teamnan ta consisti di e hungadornan Magic Angle cu Mario Lobo y Andy Gomes, Jon Tai Aruba cu Jeandry Mathilda y Ching Ho Chung, Apa Master cu Ovandi Hirschfeldt, Dony Carolina y Rony Reyes, Power Pong cu Jean Pierre Helmeyer, Donald Yarzagaray y Micheal Kelly, Mario’s Sportshop cu Franklin Lopes, Alfred Leong y Mario Croes, Mazuga Table Tennis cu Jonathan Paredes Jean Claude Hoek, Hooters Table Tennis cu Micheal Ling, Bob Chung y Ruddy Raga, Dragon CD cu James Letren, WingChow Leong. Dirksen Team cu Jhon Dirksen y Robert Dirksen, Omega Table Tennis cu Mikayla Mathilda y Joshua Paredes.

 

Pa loke t’e resultadonan di e prome rond nos tin Magic Angle contra di Omega Table Tennis 5 – 0, Jon Tai Aruba contra Dirksen Team 5 – 0, Apa Master contra Dragon CD 0 – 5, Hooters Table Tennis contra Power Pong 3 – 2, Mazuga contra di Mario’s Sportshop 4 –  1.

Den di dos buelta nos a haya Magic Angle contra di Dirksen 5 – 0, Dragon CD contra di Omega 5 – 0, Jon Tai Aruba contra di Hooters Table Tennis 3 – 2, Mazuga contra di APA Masters 5 – 0, Mario’sSportshop contra di Power Pong 4 – 1.

Otro siman lo continua cu e di tres buelta di e Copa Team Aruba den dobel. Esaki pa 8or di anochi de Centro Deportivo Betico Croes.

Top