Corte Superior ta dicidi: Apelacion di Minister Paul Croes ta sin base

Corte Comun di Husticia a declara awe cu no tin base e bezwaar cu sospechoso Paul F.T. Croes a cuminza contra e decision tuma anteriormente pa Huez-Comisario den casonan penal na Corte di Prome Instancia di Aruba, pa alarga su detencion cu 60 dia.

Ademas Hof a rechasa e peticion di e sospechoso pa suspende su detencion. Esey kier men cu Paul Croes lo keda den detencion p’awor. Na november lo dicidi atrobe tocante alarga su detencion.

 

Paul Croes ta wordo sospecha di a haci su mes culpable di hechonan castigable serio: Ambtelijke omkoping (pasivo), malversacion, labamento di placa, falsificacion y mensensmokkel.

Relaciona cu e noticia aki di parti di Ministerio Publico, AWEMainta a tuma contacto cu su abogado, Marije Vaders, pero sin exito.

Nos a desea di haya su version di e decision aki. Loke ta masha yamativo, Ministerio Publico no a bisa cu si ainda, Paul Croes ta limita den su contactonan.

 

 

 

 

Leave a Reply

Top