Cosecha ta cera e periodo di vakantie cu un workshop pa traha bo etui cu material di recicla

Diadomingo dia 13 di augustus, Cosecha ta clausura e periodo di vakantie escolar cu un workshop unda por traha un etui. E biaha aki Cosecha conhuntamente cu e artesano Natalia Koolman lo kier sinja e participantenan con bo ta traha un etui unico y duradero cu material recicla.

 

E workshop aki lo tuma lugar durante e Back to School edition di Experience San Nicolas, unda Cosecha, museonan, tiendanan y restaurants ta warda famianan completo cu un programacion recreativo.

 

E workshop na Cosecha pa traha etui ta di 11’or di mainta pa 1’or di merdia. E ta tuma lugar den e centro creativo di Cosecha na San Nicolas. E workshop aki ta gratuito.

 

Inscripcion ta tuma lugar na Cosecha San Nicolas of na Cosecha Oranjestad. Pa mas informacion por tuma contact cu Cosecha San Nicolas na telefon 5878708 of Cosecha Oranjestad na telefon 5878709.

 

Tambe por bishita e pagina di Facebook di Cosecha: www.facebook.com/Aruba-Cosecha pa mas informacion.

Top