Criminalidad tin solucion?

Ultimo 20 aña tin discusion grandi riba criminalidad y su aumento, su gravedad pa nos comunidad cu tin cu biba cune tur dia.                                                                                               Pero ken ta responsabel? Gobierno, Minister di Husticia, comunidad of e tolerancia cu semper a existi cu awe nos ta victima di e monster cu nos a tolera pa hopi aña.                                         Awe nos ta testigo di e inval di ex Hotel Roys. Un lugar pa mas cu 40 aña tur e habitantenan di Savaneta tabata sa cu semper e lugar ey tabata centro di benta di droga y su consumo.

Nos por a mira hopi mucha hoben tanto muher y homber di Savaneta a bay perdi den mundo di droga pe sitionan aki cu ta centro di benta y uso di droga y alcohol.

 

Mescos un tempo na Dakota Bar cu Chino, y na Piedra Plat rond Bright Bakery y no lubida riba e centro grandi mes di Rancho cu te awe Playa ta pesta cu choler, nos tur conoce e casnan cu ta bende droga, rond Aruba, pero semper a keda bende droga manera Drive-Thru te awe.

Si berdaderamente nos kier caba cu criminalidad, mester cuminsa elimina tur e centronan aki unda tin benta droga libremente.

No simpelmente aresta e bendedornan, pero confisca tur nan propiedad y usa e fondonan aki pa rehabilita e drogadictonan.

Cholernan mester wordo rehabilita obligatoriamente den exterior cu ta sali mucho mas barata y efectivo pe recuperación.

Si nos mira un choler den rehabilitación na Aruba, ta costa riba 200 dólar pa dia y den exterior manera Santo Domingo ta costa 200 dolar pa luna, cu por manda 30 choler Santo Domingo, cu lo sali igual cu un rehabilita na Aruba pa 1 luna y pa 3 aña sigur.

 

1.Tur yiu stranhero cu wordo nacionalisa y wordo sentencia of cu comete un delito grave, prome cu cumpli 21 aña, paspoort ta wordo ingetrokken y deporta pa su país origen. Esaki ta leynan cu Parlamento tin cu cambia y será porta pa criminalidad importa y nacionalisa.

  1. Tur stranhero cu firma liber y cu wordo haya culpabel pa cualke delito, su firma liber ta wordo kita y deporta sin excepción.
  2. Tur stranhero pa cualke violación di ley, su permiso ta wordo cancela y wordo deporta. Ya asina nos lo elimina mal elementonan cu a bin biba na nos país. Si berdaderamente nos kier haci un limpiesa y por cuminsa atende cu nos propio yiunan den mihor forma. 4. Ley Enseñanza Obligatorio mester wordo ehecuta severamente te ora e mucha tin un diploma den su man.                                                                                                            5. Embarazo hubenil, e mama hoben mester sigui su scol y termina y asina ofrece su yiu un futuro y e mucha ter adoptie na un famia, cu por duna e mucha un bon futuro.                       6. Ley di Onderstand mester wordo mara na enseñanza pa empleo, y pa un tempo defini di cada 6 luna, na unda e persona mester sigui curso pa un profesión y después cada 6 luna, e mester presenta cu carta di solicitud y no por haya trabao, y después di 1 aña, DPL ta obliga di busca un trabao pe.                                                                                                                                          7. Hobennan cu cay den man di husticia, directamente ta wordo interna den GOG y te ora caba su scol e por sali y por bay exterior pa estudio avanza.                                                                8. Mayornan cu tin problema cu adicion, droga, alcohol, placa etc, nan yiu ta wordo kita, y poni den opvang centrum, y e mayor mester rehabilita completo, y mustra cu nan ta bira mayor di berdad p’asina sigura un futuro pa nan yiu dor di a bira un mayor ehemplar

 

Esaki ta djis 8 punto primordial pa un Aruba mihor sigur y prospero. Cual partido lo pone e puntonan aki den nan programa di gobernación y dune prioridad.

E partido cu presenta algún di e puntonan aki serio y compromete den nan programa sigur lo haya confianza di e pueblo.

 

Atentamente

Un Arubiano conciente

 

 

 

Top