Cu ayudo di Lotto, e loteria di Aruba, Aruba Basketball Bond a inicia cu su campeonato di basketball

 

Den weekend tras di lomba Aruba Basketball Bond a inicia cu su campeonato di basketball den  diferente categoria.

E ceremonia di apertura a tuma lugar den Centro Deportivo Betico Croes na Sta Cruz. E aña aki lo tin competencia den e diferente categorianan di Paserela (u15), Cadet(u17), Junioren(u19) y Grandi.

Mester bisa cu varios ekipo a haci acto di presencia n’e apertura aki cu a conta cu representantenan di Ministerio di Deporte.

 

Ta masha importante pa duna e sosten necesario na nos federacionnan deportivo cu tin hopi atletanan ta guia tur dia. Muchanan ta wordo motiva pa practica deporte y esaki sigur ta algo tremendo pa no solamente e mucha mes y su deporte cu e ta practica sino pa comunidad completo. Mas mucha den movecion sano, mihor ciudadano so e por bira despues.
Un danki sigur na Lotto, e Loteria di Aruba pa medio di Comision di Subsidio cu a subsidia e campeonato di basketball organisa pa Federacion di Basketball Arubano, A.B.B.

Top