Cu hopi entusiasmo Eltienne Yarzagaray ta lansa su cancion ‘Emanuel’

Eltienne Yarzagaray a lansa su cancion nobo ‘Emanuel’.

Pa varios tempo Eltienne Yarzagaray a bin ta cosechando varios exito cu su cancion ‘Bo ta Santo’. Ta tempo pa sigui cu su inspiracionan nobo.

 

E tema nobo ‘Emanuel’, ta un inspiracion cu nificacion profundo pa trece hende mas serca di Dios.

E cancion ‘Emanuel’ ta significa: Dios ta cu nos. Eltienne a haña e inspiracion mientras e ta tocando su piano. E letranan di e cancion ta papia di un persona cu a scucha e bon noticia cu lo bay bin un salbador cu lo por sake di cualkier situacion cu e lo ta biba aden.

 

Tambe e cancion tin un nificacion personal pa Eltienne.

Eltienne su di tres nomber ta Emanuel. Su mama a dune e nomber ey den un momento hopi dificil di parto, unda cu Eltienne y su mama a hera fayece. Eltienne su mama den e momento dificil a bisa ‘Señor si bo laga nos biba, lo mi duna mi yiu e nomber Emanuel’.

Den e momento ey Dios tabata cu nos.

 

E meta di e cancion Emanuel ta pa trece speransa bek den e ser humano. Cu den e temporada aki nos por refleha rib’e rason di Pasco. Cu Emanuel trece su lus den cada hogar.

 

Produccion

Eltienne Yarzagaray t’e compositor di e cancion‘Emanuel’. E cancion a wordo aregla pa Miguel Genser y wordo gemix y master pa Gilner Dirksen.

E musiconan cu a forma parti di e proyecto aki: riba baho Diego Henriquez , riba cuarta Vivio Croes, vocalista Rachel Kraaijvanger y David Dubero. Demas instrumentonan dor Miguel Genser.

 

Eltienne kier a gradici su casa Solmaita Yarzagaray pa su amor y sosten n’e proyecto aki. Tambe n’e pueblo di Aruba, pa solicita e cancion aki na tur radio.

Leave a Reply

Top