Cu tanto gòlpi financiero InselAir mester a baha personal

WILLEMSTAD – Un di e gòlpinian mas duro cu InselAir a sufri t’e decision di autoridad aeronautico di Aruba pa ‘ground’ su avionnan.

Despues autoridadnan Mericano y Hulandes a desaconsehá nan funcionarionan pa bula cu InselAir.

Esakinan a afectá e imagen di InselAir di tal manera cu esaki a conducí na pèrdidanan cuantioso di entrada y tambe aumento drástico di gasto en coneccion cu e.o. pagonan pa avionnan ‘wet lease’ y gastonan relacioná cu pasaheronan cu a keda pegá.

 

Consecuentemente, e situacion financiero di InselAir a resultá den un peor estado cu a anticipá.

Lógicamente e planificacion di ruta, tamaño di flota y cantidad di personal no por a wòrdo mantené. Es mas, promé cu Gobièrno a intervení ya gerencia anterior a anunciá cu lo bay tin retiro di personal.

Como consecuencia di e empeoracion drástico di e situacion financiero, e contratemponan di e último lunanan aki y e inquietud creciente serca e creditornan, InselAir a dicidi pa pidi moratorio di pago pa su debenan (‘Surseance van betaling’) pa por haña rosea y pa por sigui enfocá riba stabilisa e compania.

E situashon aki, probablemente y desafortunadamente a acelerá retiro di un grupo adicional di empleadonan di InselAir.

Top