Cu un total di 1002 likes, Julissa “Julie Julie” Margarita a gana un biahe pa New York City

Diabierna dia 1 di September a celebra Dia di Prensa aki na Aruba y Aruba Bank a pasa cerca diferente miembro di prensa p’asina duna un regalo bunita.

Tambe a bin cu e oportunidad pa un miembro di prensa gana un pasashi pa New York City.

E fabuloso locutor Julissa “Julie Julie” Margarita a bira ganado di e pasashi y lo disfruta di un par di dia na New York City.

 

Pa por a saca afo kende lo a gana e premio unico aki, cada miembro di prensa mester a saca un potret cu nan regalo y pone esaki riba Facebook. Nan mester a laga nan siguidonan sa con nan trabao den prensa ta haci un diferencia den comunidad. Mester a haci uzo di e hashtag #ABPressDay y share e potret. E miembro di prensa cu mas “likes & shares” lo a gana e biahe pa New York City, unda cu Julie Julie a bay cu e premio unico aki.

 

Julie Julie a haya 1002 likes, 146 shares y 73 comment. E a gradici tur persona cu a like, share y comment pa yud’e gana e premio di pasashi pa New York City. Representante di Aruba Bank a haci entrega di e premio na Julie Julie, kende tabata feliz di a gana e premio.

Top