Cuerpo Policial Aruba kier clarifica informe di prensa relaciona cu vestnan di seguridad – Dolfi Richardson: “Mester evita pa tin duda den imparcialidad den Cuerpo Policial”

Diaranzon ultimo Korpschef di Polis a tuma nota di un noticia/informe relaciona cu un cantidad di vest di seguridad cu lo a ser entrega na varios miembro di Cuerpo Policial Aruba dor di un agencia di noticia (den e caso aki 24ora.com). Como Korpschef di Polis,Dolfi Richardson ta bisa di no tabata na altura di esaki.

 

E noticia aki a causa cierto reaccion for di varios cuidadano, pero principalmente di hopi miembro di Polis mes.

Como Korpschef di Polis,Dolfi Richardson ta bisa cu e ta di opinion cu specialmente durante un temporada asina dificil manera den un aña di eleccion politico, nos como Cuerpo tin cu evita cu por tin duda den nos imparcialidad.

Como Korpschef semper un di su prioridadnan t’e seguridad di su coleganan. Como tal semper nos a traha hunto cu diferente partner strategico pa yega na mas fondo y material p’e Cuerpo por funciona optimal y na un manera safe.

 

Pa nan e ta importante pa mantene e confianza di tur persona den comunidad. Nos imparcialidad no mag di wordo cuestiona ‘at all’ p’asina nos por sigi goza di e confiansa ey.

“Nos di Cuerpo Policial ta gradici sinceramente e gesto di solidaridad pa cu nos Cuerpo, pero mester rechaza esaki respetuosamente pa no tin duda den nos obhectividad.

 

Den e mesun rosea nos kier informa cu ya caba tin un cargamento di vestnan di seguridad na caminda cu pronto lo wordo entrega na nos miembronan. Nos kier sigura nos comunidad cu nan por tin confiansa absoluto den e imparcialidad di nos Cuerpo”, mr. A.E. Richardson, Alto Comisario di Polis a finalisa su comentario

Leave a Reply

Top