Culminacion di celebracion di Dia di Himno y Bandera tabata Inauguracion di Plaza Padu

Pa hopi ultimo fin di siman, tabata un fin di siman cu hopi dia liber pa celebra Dia di Himno y Bandera. Esaki sin duda a ser grandemente celebra, cuminsando diahuebs atardi na Plaza 18 di Maart, unda tabatin sendemento di 2147 bela pa conmemora esnan cu a firma pa Aruba haya un status aparte den Reino Hulandes. N’e ceremonia aki, por a mira presencia di Gobernador Alonso Boekhoudt, Prome Minister Mike Eman y varios miembro di su Gabinete y algun parlamentario y otro invitadonan.

Diabierne tabata un dia grandi y sigur esun cu a causa mas impacto, ora cu a inaugura Plaza Padu, pa cual a pone un show gigantesco den otro. E tabata un anochi emocional, cu por a ser senti pa tur presente. Pa nos culminacion di obranan di Gobierno cu a construi pa tin su propio Binnenhof.

Diasabra tabatin e acto protocolario na Plaza Betico Croes, cu participacion di varios grupo ta marchando.

Aruba sigur a celebra su Dia Nacional masha yamativo y manera a ser bisa, pueblo a demostra di ta stima e pais aki. Pabien!!!

Leave a Reply

Top