Curso di maneho y mantencion di archivo na Hulanda Caribense

ORANJESTAD – Na Sint Eustatius 7 Cursista a ricibí nan certificado despues di a finalisá e curso básico di maneho di archivo y mantencion di archivo siman pasa.

Ta organisá e curso aki na tur e tres islanan di Hulanda Caribense y e meta ta pa engrandecé e conocemento y abilidad básico di e participantenan riba e tereno di maneho y mantencion colectivo.

 

E participantenan na Sint Eustatius ta traha na diferente servicio y departamento di Entidad Público, bou di cua e museo, maneho di propiedad público Servicio di Planificacion Ambiental y Administrador (DROB), kantor di conseho di Griffier y e departamento di Asuntonan Interno.

Riba iniciativa di Ministerio di OCW (Enseñansa, Cultura y Siencia), ‘Nationaal Archief’ a tene un mision di determinacion di hechonan riba cada isla den 2016.

Esaki pa analisá kico e necesidad y deseonan riba e tereno di maneho y mantencion di archivo.

 

Esaki a resultá den un plan di training p’e islanan cu e dos cursonan: Un curso di conservacion di archivo y un curso ‘archivistiek’. Durante di e promé curso di conservacion ta trata di e conocemento básico cu ta necesario pa maneho y mantencion físico di e archivo.

Como tarea pa finalisá, e participantenan a traha un plan di coleccion, pa cua nan a haci uso di e métodonan cu a atendé durante di e curso.

 

Durante di e curso cu ta bay mas profundo, cu ta continuá e mas den curso di e aña aki, e studiantenan ta siña con pa conserva mas activo: Percura pa stabilisá documentonan daña.

E curso ‘archivistiek’ lo enfoká riba siña traha cu un método di archivo completo y duradero, a base di standardnan internacional.
Un punta di lanza importante di e 5 dianan di curso tabata tambe e desaroyo di un colaboracion (netwerk) estrecho entre e Entidadnan Público.

 

Conseheronan Senior di Conservacion, Gabrielle Beentjes y Gerrit de Bruin di e ‘Nationaal Archief’ na Hulanda,  a duna e curso na enkargo di Ministerio di OCW.
Riba e foto por mira e cursistanan di Sint Eustatius kendenan a ricibí nan certificado.

Leave a Reply

Top