Cutter Panter a scapa persona di hoga

Guardacosta di Caribe Hulandes (KWCARIB) ayera merdia rond di 14.40 ora a haya informacion cu un boto piscador di nomber Maria 2 lo a bolter.

E boto e momento ey tabata na como 2 miya y mei zuid oost di Aruba. Tabatin 3 persna abordo, pero danki n’e yate ‘ Energy’ cu tabata den becindad, por a saca 2 di e personanan for di awa, pero un di 3 no por a ser haya.

 

Net n’e momento ey, e Cutter Panter di Guardacosta tambe tabata patruya y a ser dirigi pa APA N.V. pa bay den dicho direccion pa yuda cu e busqueda.

A base di informacion suministra pa Aruba Ports Authority (APA) y di e personal di yate ‘Energy’, a bin haya e di 3 persona pa mas o menos 15.20 ora na como mei miya zuid di Baby Beach y asina a ser treci abordo.

 

E persona aki a tene su mes na un jerry can, y asina por a mantene su cabez riba awa, te ora el a ser salba pa Panter. Despues di esaki, e dos otro personanan cu tabata abordo di Energy’ a ser tuma over dor di Panter pa hunto ser hiba p’e punto di sosten na Savaneta, unda tur 3 tabata sano y salvo. N’e autoridadnan corespondiente, nan mester a duna cuenta ta kico a pasa, cu nan boto a bolter y a bay perdi, unda esaki a hera costa nan bida.

 

Leave a Reply

Top