Dakota tambe cla p’e cambio: Criminalidad y rosamento di naturalesa t’e preocupacionnan mas grandi

Diasabra ultimo tur e candidatonan di partido MEP a drenta den e bario di Dakota pa bishita e casnan. Un grupo grandi di candidato y campañadornan a acudi n’e sede di MEP den Dakota y desde eynan a sali den diferente direccion, bishitando asina un gran cantidad di cas den Dakota.

 

E recepcion tabata tremendo. A hisa varios bandera tambe, y por mira cu hendenan ta expresando nan color politico sin miedo.

Locual a resalta masha hopi mes ta cu habitantenan di e bario ta hopi preocupa p’e criminalidad creciente den nan bario. Nan ta sinti nan hopi insigur, y esaki ta pone cu nan ta biba den ansha. Varios habitante a comparti nan experiencia amargo di a wordo atraca na nan cas, y nada ta wordo haci.

Nan a scucha cu hopi atencion n’e vision di MEP pa combati criminalidad cu man duro, y trece seguridad bek den nos pais.

 

Y nan a gusta e plannan di MEP, y varios a indica cu apesar cu tin bandera di otro partido na nan cas, nan lo vota p’e cambio cu nan tambe ta anhela.

Un otro punto di disgusto den e pueblo di Dakota t’e rosamento di caminda banda di Kooyman. Hopi habitante ta keha di molester di stof, pero mas aun di molester.

Principalmente e generacion mas hoben ta puntra su mes con e Gobierno aki ta traha asina bruha. No a ni caba ainda cu e caminda pa San Nicolas, ya ta bin cu un otro caminda.

Mester remarca cu hopi hende ta pidi cambio, nan ta convenci cu nos mester cambia e rumbo di nos pais. Danki Dakota pa ricibi MEP cu brasa habri.

 

Leave a Reply

Top