Dangui Oduber (MEP) A desea tur studiante hopi exito

Diasabra ultimo un gran cantidad di studiante a sali pa Hulanda en busca di un mihor futuro.

“Nos di MEP ta kere den nos hobenan, nos ta kere den un mihor Aruba mañan y nos hobenan di awe ta nos futuro di mañan.

Mi ta contento di wak cu hopi studiante a dicidi di sigui nan estudio na Hulanda. E ta un stap grandi cu e studiantenan aki a tuma di bay laga atras nan mayor, famia y amigonan.

E ta un sacrificio cu cada studiante ta haci y e sacrificio aki mañan sigur lo duna su fruto.

Nos pias ta den vergrijzing y nos mester nos hobenan profesional bek na Aruba pa sigu construi nos pais.

Nos tin pleno confianza cu tur e hobenanan aki lo bin mañan cu un diploma den nan man pa yuda nan pais. Nos como pais mester percura pa por garantiza trabou pa tur e hobennan aki.

No por t’asina cu studiantenan ta bin bek Aruba y no por haya trabou. Ora un studiante caba cu su estudio e no tine facil, pasobra e mester cuminsa cu su bida nobo na Aruba. Mester paga su debenan bek di estudio,

Nos di MEP kier haci e promesa na hobennan cu a bay studia den pasado y awe ta young profesionals, esnan cu ta studiando awor den exterior y esnan cu a bay studia awor cu nos lo pone central den nos programa di partido cu mester yega na un mihor areglo di pago cu DUO”.

DUO mester por tene considreacion cu nos studiantenan. E problema cu DUO ta masha hopi studiante tine y no ta facil ora nan ta cobra sumanan halto pa paga debe bek di scol.

Mester yega na un consensus caminda studiantenan por paga e debe aki bek.

“Mi ta desea tur studuante cu a bay Hulanda y tur otro cu a bay otro caminda pa busca nan futuro hopi exito, haci bo best y semper corda boso pais Aruba mester di bosonan.

Den bida nan por kita tur cos for dibo, pero un cos sigur ningun hende por kita ta bo studio”.

Top