Dangui Oduber (MEP) E area di Bushiri lo conoce un desaroyo unico di un Boutique Hotel cu MEP den Gobierno!

8 Aña pasa nos pais a wordo priminti cu e ruinas di Bushiri Hotel lo ta pa pasado manera cu AVP drenta den Gobierno.

Awe 8 aña despues e ruinas a bira peor y ta den estado di deterorio y decadencia.

E area du Bushiri cu porcierto ta un di e prome impresion cu un turista ta haya ora e yega Aruba ta ilustra den ki situacion nos pais ta aden. Nos partido tin solucion p’e area aki .

 

E vision cu partido MEP tin ta cu nos ta focus riba turismo di calidad y no cantidad, segun Dangui Oduber.

“Nos no ta kere den hotelnan grandi cu hopi kamber sino nos ta kere den desaroya nos pais cu Boutique Hotels. P’e area di Bushiri nos partido lo kier mira un desaroyo sostenibel di un Boutique Hotel di no mas cu 75 kamber di un cadena di 5 strea.

E REV PAR di e hotel lo ta entre $350 y $600 y lo ta contribui sigur na eleva e producto Aruba y tambe e turista di calidad cu nos kier bin nos pais.

E edificionan lo ta LEED certified.

 

E condicionan pa bin cu un desaroyo eynan ta cu e hotel lo mester bay traha cu Universidad di Aruba, colegio EPI y tambe EPB.

Nos prioridad ta p’esnan cu ta bayendo e scolnan aki y ta den hotelmanagement y horeca t’esnan promer yama pa labora den e hotel aki.

Tambe nos kier explora e posbilidadnan pa bin cu Hotel Vakschool bek n’e hotel aki. E focus ta pa contratistanan local haya e trabounan.

 

Como condicion tambe nos lo pone cu esnan cu ta biba riba e pais aki t’esnan prome yama pa bay labora n’e hotel aki sin tin mester di importa ningun hende extra.

E desempleo na Aruba ta haltisimo y e desempleo bao di nos hobenan ta mas halto aun y ta actualemnte na 30%.

Nos mester percura pa tin desaroyo caminda por garantiza empleo pa nos hendenan, entrada pa Gobierno, contribicion na nos GDP y nos economia.

 

E area cu tin actualmente entre Bushiri y Tamarijn Hotel, nos lo presenta un plan caminda lo bay mehora y drecha e beach, bin cun parke di recreacion, canchanan di beach tennis y beach volley y tambe area pa pick nick.

E intencion ta pa conecta e Linear Park cu e area aki p’asina nos duna pueblo bek tambe esaki.

 

Nos vision sigur ta pa nos eleva e calidad di turismo, ofrece pueblo y desaroya areanan di beach pa uso di pueblo y contribui na progreso y bienestar di nos pais”, segun Dangui Oduber di MEP.

Top