Dangui Oduber (MEP) kier sa Den man di kende deporte ta? Nunca a mira asina tanto negligencia den deporte!

Deporte ta den decadencia, rebendedornan di Lotto pa Deporte ta pasando den duro bou di presion di e maneho stipula dor di e Canadesnan.

Ta un berguensa cu nos Minister di Deporte dr. Alex Schwengle ta pronkia cu esaki sabiendo hopi bon cu deporte a haya cortamento tras di cortamento den subsidio, segun Dangui Oduber di MEP.

 

Papiando di good corporate governance Dangui Oduber ta haci un suplica na Minister di Deporte pa publica e contract asina beneficioso pa grupito di Gobierno cu Canadian Bank Notes (CBN). “Nos tin 7 aña ta puntra Gobierno pa cu esaki, pero sin haya niun copia.

Si enberdad bo tin deporte na pecho bo no tin nada di sconde.

E structura di Canada y Lotto pa Deporte ta crea hopi duda. E Canadesnan tin un compania registra na Aruba cu tin e contract cu Lotto pa Deporte.

 

Lo ta bon pa duna claridad kende t’e beneficiadornan final di e compania aki ta.

Minister Schwengle ta kere cu pueblo ta bobo, hasta yamando bario unda el a crece como bario “Bruha”.

Si t’asina ‘ki bo ta trata bo mesun hendenan ta kende e ora a nos di pueblo lo ta cu tin wowo critico??

Jamami bruha of loco, mi lo sigui bringa pa nos hendenan y no trapa riba nan.

Mi ta sumamente desapunta den Mike Eman cu a logra dor di manipula y engaña drenta Gobierno pa despues sinta fix hopi cos bou mesa pa un grupito.

 

Mike Eman a sa di gasta, malgasta y tira placa di pueblo sin misericordia. Aworaki cu blessing di Mike Eman, Minister Schwengle ta bira miyonario riba lomba di e rebendedornan cu ta traha asina duro.

Den ultimo 7 aña Gobierno actual a sa di bende, financia debe y abusa di patrimonio di pueblo.  Aruba mester un Gobierno di pueblo y pa pueblo.

Un Gobierno cu sa balora nos hendenan, cu ta duna preferencia pa localnan bay dilanti y cu ta pone berdad, norma y balor y sano huicio na prome lugar.

Ami ta boso defensor y lo sigui bringa pa tin un futuro alentador pa nos tur! Vota MEP, vota Dangui!”, e miembro di MEP a finalisa su comentario.

Top